Ef þú hefur orðið fyrir slysi og býrð við einhverjar afleiðingar, hvort sem þær voru tímabundnar eða varanlegar, eru umtalsverð líkindi fyrir því að þú eigir rétt á bótum.

Bætur vegna umferðarslysa

Ef þú hefur slasast í umferðarslysi þar sem skráningarskylt ökutæki kemur við sögu eru allar líkur á að þú eigir bótarétt. Það á við hvort sem þú varst:

• Bílstjóri

• Farþegi

• Gangandi vegfarandi

• Hjólandi eða á annan hátt fyrir tjóni af völdum ökutækis.

• Sama gildir um mótorhjól og bifreiðar.

Bótaréttur tjónþola gagnvart tryggingafélögum vegna umferðarslysa er mjög ríkur. Enginn ætti því að láta hjá líða að kanna rétt sinn, jafnvel þótt afleiðingar slyssins virðist ekki alvarlegar í fyrstu.

Bætur vegna vinnuslysa

Ef þú hefur orðið fyrir vinnuslysi eru einnig miklar líkur á að þú eigir rétt á bótum. Samkvæmt kjarasamningum bera vinnuveitendur almennt skyldu til að tryggja starfsmenn sína vegna slysa sem verða við vinnu.

Að jafnaði skiptir ekki máli hvernig slysið varð þegar kemur að rétti til bóta úr þessum tryggingum. Ef slysið má rekja til saknæmrar háttsemi, til dæmis ef annar starfsmaður olli slysinu eða öryggisbúnaður var ófullnægjandi, getur þú jafnframt átt rétt á bótum úr ábyrgðartryggingu vinnuveitanda.

Í slíkum tilvikum reiknast bótaréttur samkvæmt skaðabótalögum, líkt og í umferðarslysum, og getur því verið mjög umfangsmikill. Einnig getur komið til álita að sækja bætur til Sjúkratrygginga Íslands.

Dæmi um vinnuslys eru meðal annars:

• Hálkuslys á vinnustað

• Slys við notkun véla og tækja

• Fallslys á vinnustað

• Slys á leið til eða frá vinnu

• Öryggisbúnaður var ófullnægjandi

Sérstakar reglur gilda um sjómenn, sem njóta sérstakra tryggingavernda vegna líkamstjóns sem verður um borð í skipum.

Bætur vegna slysa í frítíma

Þótt slys verði utan vinnutíma getur þú átt rétt á bótum. Margir eru með slysatryggingar í gegnum fjölskyldutryggingar eða sérstakar slysatryggingar sem taka til slysa í frítíma.

Einnig njóta margir starfsmenn slysatryggingaverndar í frítíma samkvæmt kjarasamningum sínum, til dæmis starfsmenn ríkis og sveitarfélaga. Sama á við um fjölmargar aðrar starfsstéttir.

Í sumum tilfellum getur annar aðili borið ábyrgð á tjóninu, til dæmis vegna vanbúnaðar eða vanrækslu. Algeng dæmi um frítímaslys eru:

• Slys við heimilisstörf

• Hálkuslys

• Reiðhjólaslys

• Rafhlaupahjólaslys

• Önnur slys sem verða í daglegu lífi

Hvað þarf að gera eftir slys?

Ef þú hefur orðið fyrir slysi ráðleggjum við þér að leita ráðgjafar sem fyrst. Réttur til bóta getur verið háður því að slysið sé tilkynnt innan ákveðinna fresta.

• Í sumum tilvikum getur sá frestur verið aðeins eitt ár. Hafðu samband sem fyrst.

Í öðrum tilvikum getur þó verið unnt að sækja bætur mörgum árum eftir að slysið varð. Því er mikilvægt að fá faglega ráðgjöf sem fyrst til að tryggja að réttur þinn glatist ekki.

Af hverju Tort?

• Sérhæfing í slysabótamálum og skaðabótamálum.

• Mikil þekking á skaðabótarétti.

• Mikil reynsla af ágreiningsmálum um bætur og málflutningi fyrir dómstólum.

• Fagleg, skýr og heildstæð ráðgjöf frá upphafi til loka máls.

Hafðu samband við okkur og bókaðu frítt viðtal. Við metum stöðu þína og aðstoðum þig við að leita þess réttar sem þú átt mögulega til bóta.